Slokas 31 - 40

Sanskrit Lyrics

अमृतांशूद्भवो भानुः शशबिन्दुः सुरेश्वरः।
औषधं जगतः सेतुः सत्यधर्मपराक्रमः॥३१॥

भूतभव्यभवन्नाथः पवनः पावनोऽनलः।
कामहा कामकृत्कान्तः कामः कामप्रदः प्रभुः॥३२॥

युगादिकृद्युगावर्तो नैकमायो महाशनः।
अदृश्यो व्यक्तरूपश्च सहस्रजिदनन्तजित्॥३३॥

इष्टोऽविशिष्टः शिष्टेष्टः शिखण्डी नहुषो वृषः।
क्रोधहा क्रोधकृत्कर्ता विश्वबाहुर्महीधरः॥३४॥

अच्युतः प्रथितः प्राणः प्राणदो वासवानुजः।
अपांनिधिरधिष्ठानमप्रमत्तः प्रतिष्ठितः॥३५॥

स्कन्दः स्कन्दधरो धुर्यो वरदो वायुवाहनः।
वासुदेवो बृहद्भानुरादिदेवः पुरन्दरः॥३६॥

अशोकस्तारणस्तारः शूरः शौरिर्जनेश्वरः।
अनुकूलः शतावर्तः पद्मी पद्मनिभेक्षणः॥३७॥

पद्मनाभोऽरविन्दाक्षः पद्मगर्भः शरीरभृत्।
महर्द्धिरृद्धो वृद्धात्मा महाक्षो गरुडध्वजः॥३८॥

अतुलः शरभो भीमः समयज्ञो हविर्हरिः।
सर्वलक्षणलक्षण्यो लक्ष्मीवान् समितिञ्जयः॥३९॥

विक्षरो रोहितो मार्गो हेतुर्दामोदरः सहः।
महीधरो महाभागो वेगवानमिताशनः॥४०॥

English Lyrics

Amrtamshu Dbhavo Bhanuh Shashabinduh Sureshvaraha
Aushadham Jagatah Setuh Satya-Dharma-Prarakramah   (31)

Bhoota-Bhavya-Bhavan-Nathah Pavanah Pavanonalaha
Kaamaha Kaamakrut Kantah Kamah Kamapradah Prabhuhu   (32)

Yugadikrud Yugavarto Naikamayo Mahashanaha
Adrushyo Vyakta-Rupascha Sahasrajid Anantajit    (33)

Ishtovishistah Shishtestah Shikhandi Nahusho Vrushaha
Krodhaha Krodhakrut Karta Vishva-Bahur Mahidharaha    (34)

Achyutah Prathitah Pranah Pranado Vasavaanujaha
Apam-Nidhir Adhishthanam Apramattah Pratishthitaha   (35)

Skandah Skanda-Dharo Dhuryo Varado Vayuvahanaha
Vashudevo Bruhad-Bhanur Adidevah Purandaraha   (36)

Ashokas-Taaranas-Tarah Shurah Shaurir Janeshvaraha
Anukulah Shatavartah Padmi Padma-Nibhekshanaha   (37)

Padmanabho Aravindakshah Padmagarbhah Sharirabhrut
Mahardhir Ruddho Vruddhatma Mahaksho Garuda-Dhvajaha   (38)

Atulah Sharabho Bhimah Samayagnyo Havirharihi
Sarvalakshana Lakshanyo Lakshmivaan Samitinjayaha   (39)

Viksharo Rohito Margo Hetur-Damodarah Sahaha
Mahidharo Mahabhago Vegavan Amitashanaha   (40)